General Santos City–Anaa matud pa sa watch list sa Police Station 3 ang mag ti-ayon nga silang Kendrick Japarol, 25 anyos, ug ka live-in niini nga si Gladys Joy miramonte ug dugay nang gisurveillance sa mga intel operatives sa maong estasyon ayha nasikop sa ilahang gipahigayon nga operasyon niadtong milabay nga gabie sa NLSA road barangay Lagao.
Sumala pa ni Police Inspector Felix Minion III, ang deputy chief of police sa police station 3 nga ilado ang mga nasangpit nga nagapamaligya ug iligal nga droga.
Sa kasmatangan pormal nang napasakaan ug kasong pag supak sa RA 9165, sec 5 ug 11 sa art II ang mga suspect human nga nag positibo sa presensya sa shabu ang nakumpiska gikan kanila.
Kung kahinumduman nga nasikop ang mga suspect nga naga pamaligya ug droga sakay sa usa ka kotse nga pula dala usab ang ilahang 3 ka mga anak nga gilayuog gi turn over ngadto sa mga kabanay sa mga nasangpit.(Dave Silagan)
