Pagadian City – Nagpadayon ang imbestigasyon sa Pagadian City Police Station kalabot sa pagpusil sa magtiayong negosyante sa Sagun Bridge , Purok Golden Shower, Brgy. Balangasan niining syudad.
Giila ang mga biktima nga sila si Tejano Lumacad, 60 anyos ug Elma Lumacad, 59 anyos nga pulos residente sa Purok Fisherville, Lumbia District, Pagadian.
Nakahiagom og samad pinusilan si Elma sa iyang walang bahin sa ulo ug tuo nga bahin sa abaga nga gapaalimpa sa ospital.
Narekober sa crime scene ang motorsiklong Yamaha Mio nga walay plate number diin maoy gisakyan sa mga biktima ug nakuha usab ang duha ka basiyo sa bala sa calibre 45 nga pistola.
Sa inisyal nga imbestigasyon ang magtiayon nga negosyante sakay motorsiklo gikan sa ilang pinuy-anan arun pagbyahe paingon sa Bobby Carenderia apan nakasinati kini og problema sa preno rason nga nihunong arun pagsuta unta sa disc break sa motor apan kalit nga niabot ang wala maila nga mga suspek og gipamusil ang mga biktima.
Sa pagkakaron ginasuta pa sa kapulisan identipikasyon sa ang mga suspek nga misulay paghunos sa mag-tiayong negosyante.
