Roxas City, Capiz- Nagapabilin sa gihapon nga ang mag-ulutod nga Sy ang pinakamanggaranon nga tawo sa Pilipinas. Ang mga ini ang anak sang nagtaliwan nga business tycoon kag founder sang SM nga si Henry Sy.
Base sa Riches List sang Forbes Magazine, ang mag-utod nga sanday Teresita, Elizabeth, Henry Jr., Hans, Herbert kag Harley ang nagapabilin nga pinakamanggaranon nga tawo sa pungsod nga may yara sang gintingub nga net worth nga nagabalor sang $13.9 billion.
Si Hans, chairperson sang National University kag China Banking Corporation ang may mataas nga net worth sa mga mag-utod nga yara sa $2.5 billion kun sa diin siya ang 1,063rd richest person sa bilog nga kalibutan.
Si former Senator Manuel Villar, Chairperson sang Vista Mall ang may yara sang net worth nga yara sa $5 billion kag 450th richest person sa bilog nga kalibutan.
Samtang ang nagkumpleto sa Top 10 Richest persons sa Pilipinas amu sanday:
· Enrique Razon Jr. sang International Container Terminal Services ($4.3 billion)
· Lance Gokongwei kag mga utod sini sang JG Summit ($4.1 billion)
· Jaime Zobel de Ayala sang Ayala Group ($3.6 billion)
· Alliance Global Chairman Andrew Tan ($2.3 billion)
· LT Group Chairman Lucio Tan ($2.2 billion)
· San Miguel Corp. President Ramon Ang ($2 billion)
· Jollibee Foods Corp. Chairman Tony Tan Caktiong ($1.9 billion)
· Lucio kag Susan Co sang Puregold Price Club($1.7 billion).
Ang kaalyado ni P- Rodrigo Duterte nga si Dennis Uy sang Mislatel Consortium ang ika-22 subong nga tuig nga may net worth nga yara sa $650 million.
Ang pinakadako ang ginsaka sa net worth amo naman si Edgar Sia II, Chairperson sang DoubleDragon Properties kun sa diin yara sa $300 million ang nadugang sa iya nga net worth nga nagalab-ot na subong sa kabug-osan nga $700 million.
