Pilason ang mag-utod nga Construction workers matapos pulihan kastigo sang lima ka mga menor de edad samtang nagalakayt sa dalan papuli sa ila gina-istaran sa Ledesco Village Lapaz mga alas 6 sini lamang nga gab-i.
Ginkilala ang mga biktima nga sanday Rolly Higudas, 20 anyos kag Michael Higudas, 23 anyos, lunsay tumandok sang barangay Lahug, Tapaz, Capiz apang temporaryo nga nagapuli sa Ledesco Village.
Ginapahayag nga nagalakat ang mag-utod nga Higudas sa Ledesco Village sang ginlambatan sang lima ka mga suspek kag ginpulihan lampus sang barateha nga bato.
Nakaagum sang pilas kag palanakit sang abag si Rolly Higudas samtang natam-an gid ang magulang sini nga MIchael nga nakaagum sang kapilsan sa nagkalain-lain nga parte sang lawas kag gilayon nga gindala sa Western Visayas Medical Center.
Natigayon naman nga madakpan sang Lapaz PNP ang lima ka mga menor de edad nga mga suspek.
Bangud lunsay minors ang mga suspek, nagpasugot na lamang ang mga biktima nga i-settle pinaagi sa pagbayad sa ila balayran sa ospital.
