Naghilibi-on sa kakulba ang mag-utod nga sanday Eva Jane, 11 anyos, grade 6 pupil kag Regilyn, 9, grade 4, matapos gindulogan sang van nga duag black-green malapit sa crossing NHA pakadto sa patyo sang Bakhawan Sur, Concepcion, Iloilo, alas 11:30 kaina sang aga.
Lunch break sang mag-utod nga nagabutho sa sa Bakhawan Sur Elementary School gani naglakat ang mga ini pakadto sa ila amay sa baybay.
Apang, pag-abot malapit sa patyo kag wala sang mga pamalay, gindulogan ang mag-utod sang van nga may sakay nga lima ka lalaki kag ginhagad nga magsakay.
Bangud sini, tuman ang kakulba nga nabatyagan sang mag-utod kag nagahilibi-on nga nagdalagan palagyo tubtob nga naagyan sang bata ni brgy. Captain Noni Villarias.
Gilayon nga nagreport sa Concepcion PNP ang mga pumuluyo.
Suno kay PO1 Carl Patric Retirado, padayon pa nga gina-imbestigahan sang Concepcion PNP ang natabu.
Dugang nga detalye bantayan sa RMN ILOILO.
