Mag-utod nga kon tani matambag sa kinagamo pinangbuno sang tanod, isa patay

1607

PONTEVEDRA – Mag-utod pinangbuno sang barangay tanod samtang nagahiwat sang 50th Alumni Homecoming ang eskwelahan.

Nabun-an ni Simon Warte, isa ka Barangay Tanod sang Brgy. Don Salvador ang mag-utod nga sanday Reynan Talde, 24 anyos nga nakaagom sang pilas sa liog kag gindeklara nga patay na sang nag-abot sa La Carlota City Hospital.


Samtang ang iya utod nga ginkilala kay Rafael Talde, 17 anyos nakaagum naman sang pilas sa iya tuo nga dughan kag gindala sa Regional Hospital kag luwas na sa katalagman.

Sa interview sang DYHB kay Police Captain Rhojn Darell Nigos, hepe sang Pontevedra Police Office, mga las 12:15 sang kaagahon kaina may nagpanghaboy sang botelya sa sulod sang Carmen Elementary School kun sa diin wala pa natapos ang selebrasyon sang ika 50 anyos nga alumni homecoming sang eskwelahan.

Gilayon nga naguwa si Warte para magpamangkot kun sin-o ang nagpanghaboy sang botelya, apang may wala nakilal-an nga lalaki nga nag-ataki sa iya kag ginsumbag sya sa natuo nga bahin sang iya guya kag may nagbuno pa gid sa iya apang naagaw nya ang kutsilyo.

Si Reynan Talde nga napatay nagpalapit ini para kuntani nga magtambag apang sya ang ginbuno ni Warte, igo sa liog nga gintunaan sang iya kamatayon.

Sang nakita sang manghod nga si Rafael Talde nga nabun an na ang iya magulang nagpalapit man ini agud magbulig apang ginbuno pa gid ini ni Warte nga naigo man sa natuo nga dughan.

Gilayon nga nag sungka si Warte kay Punong Barangay Willie Palermo sang Barangay DSB kag ginturn-over sa nagresponde nga pulis nga sanday PMSgt. Romelo Tanaleon, PSSgt. Ronnie Casugod, PSSgt. Cary Guevara kag PSSgt. Ramil Quidores.

Sa karun si Warte nakahunong na sa prisohan sang Pontevedra Police Office kag gina evaluate pa kun homicide ukon murder ang ipasaka nga kaso batuk sa iya.

Facebook Comments

From Advertisers