Patay ang duha ka mag-utod matapos nga ginluthang sang isa ka lalaki sa sa Gonzaga Extension, Doña Juliana Subdivision, Barangay Taculing las 5:30 kahapon sang hapon, Hulyo 24.
Ginkilala ang mga biktima nga sanday Imee Mahilum, 36 anyos kag Aimee Jane Decara, legal ang edad kag residente sang Purok Kabugwason sa Barangay Mansilingan.
Ginpahayag ni Police Station 6 Commander Police Capt. Elmer Bonilla, ginsugat ni Decara ang iya magulang nga si Mahilum sa trabaho sa Toughstar Engineering Works nga nahamtang sa amo nga barangay.
Dugang pa sang opisyal nga nagasakay na sa Toyota Revo ang duha sang may natabo nga komosyon nga nagresulta sa pagpangluthang.
Una nga natiruhan si Decara nga nagamaneho sang salakyan. Nanaug gilayon si Mahilum kag natiruhan man sang suspek nga ginkilala sa kay Alvin Lanza, residente sang Barangay Alangilan.
Pahayag pa sang hepe nga matapos ang pagpaniro, ginbuno ni Lanza ang kaugalingon matapos ang krimen.
Problema sa paghigugma ang ginalantaw nga motibo sang otoridad sa krimen.
Na-recover naman sa crime scene ang duha ka naglupok nga bala sang .45 calibre nga armas luthang, .45 calibre nga armas luthang, isa ka magasin nga wala bala, kag duha ka dodged bullet.
Ang suspetsado ang nagatrabaho bilang driver kag mekaniko sa nasambit nga Toughstar samtang si Mahilum ang staff naman sa accounting department sa amo man nga establisyemento.
<www.avg.com/email-signature?utm_medium=email&utm_source=link&utm_campaign=sig-email&utm_content=webmail>
