Mag-utod, patay matapos nga nabunggo ang ginasakyan nga motorsiklo sa concrete barrier sa banwa sang Pilar!

182

Pilar, Capiz – Wala gid matabangan sang gindangat sa ospital ang mag-utod nga naaksidente matapos nagbunggo ang ginasakyan sang mga ini nga motorsiklo sa concrete road barrier sa Barangay Poblacion banwa sang Pilar pasado alas 11 sang gab-i.
Ginkilala ang mga biktima nga amo sanday Ronelo Benjamin, 35- anyos kag Albert Benjamin, 31-anyos ang pang-edaron nga lunsay residente sang Barangay Cayus, Pilar.
Ang mga ini ang nag-angkon sang mga patal nga pilas sa ulo kag lawas bangud sa kabaskugon sang pagkabunggo.
Nahibaluan nga base sa imbestigasyon sang kapulisan, halin ang amu nga mga biktima sa binaylehan sakay sa motorsiklo. Wala makontrol sang driver ang manibela rason snag pagkabunggo sa conrete barrier.
Nahibaluan nga lunsay hubog ang amo nga mga biktima.

Facebook Comments