General Santos City–Dakpan ang usa ka mag-uuma kansa gikonsiderang high value target atol sa gihimong operasyon sa hiniusang pwersa sa Philippine Drug Enforcement Agency (PDEA) – Cotabato Provincial Office ug Aleosan Municipal Police Station sa may Sitio 4, Brgy Pagangan, Aleosan Cotabato.
Giila ang suspek nga si Venzar Catulag Wali alias Kimbot Sapal, 32, residente sa maong lugar. nadakpan ang nasampit human napalitan ug usa ka sachet sa gituohang shabu gamit ang P500.00 nga marked money.
Si Wali, usa ka drug surrenderee apan wala makahuman sa sa programa sa gobyerno ug mibalik sa iligal nga aktibidad sa droga.
Gawas sa usa ka sachet sa gituohang shabu nga napalit sa poseur buyer ngadto sa suspek, nakuhaan pa kini ug (7) ka sachets sa gituohang shabu.
Kasong kalapasan sa Section 5 ug 11, sa Article II ilawom sa RA 9165 ang nakatakdang atubangon sa suspetsado kansa balhog sa silda sa awtoridad.
