Ang Department of Agriculture (DA) pinaagi ni Sec. Manny Piñol naningkamot nga mahatag gayud ang panginahanglanon sa mga mag-uuma diri sa Zamboanga del norte ug sa tibuok nasud aron sa ingon progresibo ang abot sa mga mag-uuma.
Aron usab mapakita sa kadaghanan pinaagi sa pagpanguma mahatagan ug maayong kahimtang ang matag indibidwal, kini ang pamaagi nga maikag sila aron mo sulod sa pagpanguma.
Tungod sa iyang pagpaningkamot sukad sa iyang paglingkod isip kalihim sa DA karon adunay life and accident insurance ang mga mangunguma ug mangingisda, mo bayad lang sa kantidad nga P360 adunay madawat nga P50,000mil ug kini karon ang gi hatagan ug dakong pagtagad sa gobyerno.
Sa budget hearing sa malakanyang gingnan ni Sec. Pinol ang taga Philippine Crop Insurance Corporation (PCIC) nga tan-awon ang mga mangingisda ug mag-uuma kung unsay mahimo nga programa aron adunay madawat nga pension inig katiguwang sa mga mag-uuma*.*
Tungod kay iyang nakita sa mga nagtrabaho sa gobyerno aduna man kini pension sama sa GSIS ug sa pribado anaa pud kini pension nga mao ang SSS, Samtang ang mag-uuma ug mangingisda walay madawat inig katigulang gani bisan tambal dili makapalit.
Butyag pa sa Sec. Walay kasiguroan ang pagpanguma hinungdan nga nagsugod na sila sa pag istudyo kung unsay programa nga ilang mabuhat aron sa pag abot sa panahon nga dili na maka sugakod ang mag-uuma adunay madawat nga pension ug para palit sa tambal*.*
