Davao City – Patay ang usa ka lalaki sa dihang gidunggab kini samtang nag tan-aw lamang og TV.
Ang biktima naila nga si Ernie Remolito, 22 anyos, usa ka mag-uuma ug residente sa Purok Falcata Brgy. Ladayon Arakan North Cotabato, samtang suspek naila nga si Bernie Corosan, 19 anyos ug residente sa may Sitio Tibal-og Marilog District siyudad sa Davao.
Sumala pa sa report sa Davao City Police Office nga mga bandang alas 9 sa niaging gabii samtang kining biktima nag tan-aw og TV sa usa ka sari-sari store, kalit miabot kining suspetsado sakay sa usa ka motorsiklo nga dunay dalang mahait nga hinagiban ug giduol ang maong biktima dayon gi-dunggab igo sa tiyan hinungdan sa pagkamatay niini.
Dali misibat sa wala matino nga direksyon ang suspetsado sakay ang motorsiklo.
Samtang ginahimo na ang manhunt operation sa kapolisan sa Marilog sa maong suspek ug gidugang niini nga ang motibo sa pagpatay mao ang daang panagbangi tali ngadto sa biktima ug sa suspetsado.
RadyoMaN Paul Canono
