Glan Sarangani Province- Patay ang usa ka 28 anyos nga mag-uuma human nga kini gidunggab samtang nag-inom.
Nailhan ang biktima nga usa ka Bedan Abellaga, 28 anyos, residente sa may Sitio Datal Bulol, Barangay Supa Tubo Glan Sarangani Province.
Sumala pa sa imbestigasyon sa Glan Municipal Police Station, nga alas 8 miaging gabii, nag- inom ang biktima og usa ka Rommel Romasasa og kalit na lamang nga miabot ang suspek nga si Rolly Diapana, og dayon dunggab sa biktima.
Igo sa dughan nga bahin ang biktima nga hinungdan sa iyahang kamatayon.
Dali usab nga misibat ang suspek human sa krimen nga iyahang nahimo, samtang ginasuta pa sa kapulisan sa Glan MPC, kung unsa ba gyud ang motibo sa krimen.
Daan ng gikaingun nga personal nga bangi ang hinungdan sa away tali sa suspek og biktima nga nahagbong sa pagpanunggab. ( Report Kasamang Ray Sabillo)
