Mag-uuma gilaslasan sa liog sa iyang kainom, patay

Compostela Valley- Patay ang usa ka mag-uuma human gilaslas ang liog sa iyang kainom sa Barangay Naga, Laak, Comval Province.

Ang biktima giilang si Ben Dies, 54 anyos, minyo ug nagpuyo sa Purok 2, Barangay Naga, Laak , samtang ang suspek mao si Bernade Imba, 28 anyos, silingan ra usab sa biktima.

Nasayran nga alas 8:30 sa kagabhion samtang nag-inom ang duha kalit na lamang kini nagkabangi hinungdang gigulgol sa suspek ang liog sa biktima gamit ang kutsilyo nga miresulta sa iyang kamatayon.


Human sa insidente ang suspect milayas , apan paglabay sa pipila ka mga adlaw mi-surrender kini sa kapolisan sa Laak. Ginasusi pa karon sa Laak Municipal Police Station kung unsa ang matuod nga hinungdan sa krimen.

Kasamang Jules Catisay

Facebook Comments