Mag-uuma gipatay atubangan sa iyang pamilya

21

Guipos, Zamboanga del Sur – Patay ang 36 anyos nga mag-uuma human kining giluba alas 8:30 kagabii dihang dapita sa Purok 1B, Barangay Dalapan, Guipos, Zamboanga del Sur.
Giila ang biktima nga si Crispino Tual, residente sa Purok 4 sa Brgy. Dalapan, Guipos.
Samtang dali usab nga niikyas ang responsible sa pagpangluba nga nailang si Moses Supelanas alias Oting, 50 anyos, miyembro sa Cafgu.
Sa inisyal nga imbestigasyon sa Guipos PNP, samtang nagbaktas ang biktima pauli sa ilang pinuy-anan kauban ang iyang misis nga si Josiphine Tual ug upat nila ka mga anak kalit nga niabot ang suspek ang armado sa sundang og diha-diha giluba ang biktima sa lain-liang parte sa lawas hinungdan sa hinanali niini nga kamatayon.
Naglusad na og hot pursuit operation ang kapulisan sa Guipos alang sa posible nga pagsikop sa nisibat nga suspek.
Blangko pa ang kapulisan sa motibo sa maong krimen.

Facebook Comments