Gipusil patay ang usa ka mag-uuma alas 4:00 ang takna kagahapon sa hapon. Ang maong insidenti nahitabo diha sa Zone 7, Malasag sa Brgy. Cugman ning syudad sa Cagayan de Oro.
Naila ang biktima 68 anyos nga si Aurelio Jabiniao, minyo nga caretaker ug residenti sa nasangpit nga dapit.
Nagkadugo ug patay na nga nakit-an ang biktima nga dunay samad pinusilan sa likod nga bahin sa iyang ulo.
Matud ni Ketchie Jabiniao, ang asawa sa biktima nga dunay nakalalis ang iyang bana nga usa ka alyas Dondon una pa man nahitabo ang maong krimen.
Mao kini karon ang usa sa gikonsidera sa kapulisan nga anggulo sa pagpapusil patay sa biktima sanglit wala na karon makita pa sa area ang nasangpit nga alyas Dondon.
Kasama mo sa PS10 Cugman, RadyoMaN Andy Coco, DXCC Tatak RMN!
