Davao City – Patay ang usa ka mag-uuma human gipusil sa wala mailhing suspetsado alas-8:30 ang takna adlaw’ng Lunes sa buntag sa may Brgy. Basak, Nabunturan, Compostela Valley Province.
Biktima giila sa pangalang Josue Tubianosa, 63 anyos, ulitawo, ug residente sa nahisgutang lugar.
Sumala sa report nga nahipos gikan sa Nabunturan Police Station, nasayran nga kalit miabot ang wala mailhing suspetsado ngadto sa nahimutangan sa biktima ug kalit gipusil sa makadaghang higayon gamit ang .45 nga pusil hinungdan nga gidaling pagdala ang biktima sa pinakaduol nga tambalanan apan gideklarang dead on arrival.
Daling misibat palayo sa wala masayring lugar ang wala mailhing suspek samtang ang kapolisan padayon sa pag-imbestiga kalabot sa kamatayon sa biktima.
RadyoMaN Juls Catisay
