SERGIO OSMEÑA-Swerte nga wala naigo ang senior citizen sa dihang gipa-ulanan ug bala sa 24 anyos nga lalaki nga may pagdumot kaniya.
Ang biktimang si Espiridion Banquil, 72 anyos, mikaratil ug dagan palayo sa iyang umahan, aron mangayo ug tabang kinsa gisulayan ug patay ni Paolo, Lumbatan Jr.
Sa imbistigasyon sa PNP Osmeña, kining biktima nanglampas sa iyang kamaisan, sa dihang kalit nga mibutho si Paolo uban sa iyang amahan ug sa walay daghang pangutana milanit ug armas, dayong pusil sa makadaghang higayon.
Maayo nga nakabantay ang target hinungdan nga naluwas sa kamatayon. Samtang ang person of interest misibat padulong sa Brgy. Pedagan, Mayahag, Zamboanga del sur.
Didto kini nahitabo sa Purok 2, Sitio Banginan, Brgy. Pedagan, Sergio Osmeña.
Personal nga bangi, ang gitan-aw nga hinungdan sa mga pulis kung nganong buot hunusan sa kinabuhi ang Lolo.|
