Ang kabaw maoy giila nga “bestfriend” sa mag-uuma kay kaabag kini sa trabaho sa umahan .
Apan niay kabaw didto sa Tubod Barili , niunay sa pagsungay sa iyang tag-iya nga maoy gikamatay niini human nakaangkon ug dakung samad sa iyang tiyan ug dughan.
Ang 47 anyos nga mag-uuma nga si Reneboy Umalay , wa makakita sa timailhan nga gisapot ug mag-wild ang iyang kabaw , dihang iya na kining hiposon gikan sa ilang umahan , pasado alas 6:00 kagabii .
Sagad nga hiposon ni Umalay ang kabaw mga alas 5:00 sa hapon apan niadtong higayona, gabii nang nahipos ang maong hayop.
Samtang nagguyod si Umalay sa kabaw , padung sa ilang balay, kalit siyang gisungay niini diha sa iyang tiyan diin tungod sa kadaku sa samad, , nahabwa na ang tinai niini .
Facebook Comments
