Mag-uuma gisungay sa toro namatay

Patay ang usa ka mag-uuma dihang gisungay kini sa iyang kaugalingon nga toro didto sa Sitio Bay-ang , bukirang barangay Babag sa dakbayan sa Sugbu.

Ang biktima nailhan nga si Samuel Vasquez, 50 anyos ug molopyo sa Sitio Hantic sa maong barangay .

Ang tanod nga si Felix Cadutdot maoy nakakita nga gisungay si Vasquez sa iyang toro nga kabaw.


Padung magtugway si Vasquez sa iyang kabaw dihang kalit kining nagwala ug gisungay siya niini .

Naigo si Vasquez sa iyang dughan , nawong ug ulo ug kini namatay .

Ang tanod nga si Cadutdot maoy nipaklama sa kabaw pinaagi sa paghapuhap sa sungay sa maong hayop .

Facebook Comments