Davao City – Naka angkon og daghang samad tinigbasan ang lawas sa usa ka mag uuma human gitigbas sa iyang kalalis nga usa usab ka mag uuma ala-1:50 sa hapon sa syudad sa Digos kagahapong adlawa (July 13, 2020).
Sa report sa Digos PNP, naila ang biktima nga si Fernando Caminade, 41 anyos nga taga Sitio Teril, Barangay Kapatagan, Digos City samtang ang suspek mao si Arnol Sarcuaga, alias Boboy nga taga Sitio Matti, Brgy. Binaton sa susamang probinsya.
Nasayran nga ayha nakabsan sa kinabuhi ang biktima, nakahimo pa kini og tawag sa iyang bayaw nga si Amie Carmilotes nga usa ka barangay tanod ug mi-report nga gitibas kini sa suspek human sa ilang panaglalis.
Sa pagkakaron, ngpahigayon na ang kapulisan og hot pursuit operation batok sa suspek.
RadyoMaN Abi Bibera
