Jaun pa gihapon kuman sa malisoron na kahimtang o comatose an isa ka mag uuma na taga lungsod nan Tubod human mapaakan nan hayas kahapon sa udto. Ini amoy ekslusibo na report na nakuha sa RMN DXRS gikan sa igsoon sa biktima na si Elsie Gales Bacasnot Sumaya pa na an ija igsoon na si Rebasito Gales,41 anyos,minyo na may upat kabuok anak og taga Marga,Tubod,SDN an nabangaan nan yapa hibaw-i na klase sa hayas samtang ini gikan nagtrabaho o naghawa sa ija tinanum na mga mais kalit lamang na tagbanga sa hayas sa tuo na bahin sa alima.Nakauli pa sa ila panimayay an biktima sanan nagpahibayo na napaakan nan hayas,rason na nagpatawag dajon sila nan ambulansya para madaya sa Caraga Hospital. Kuman ubos pa gihapon sa talandugon na kahimtang an biktima sanan jaun tag obserbaran sa mga doctor sa ICU nan Caraga Regional Hospital.( RadyoMaN Romy Salut Brinquez)
