Kalawit, ZDN-Kasong paglapas sa article 248 sa kodigo penal ang atubangon karon sa usa ka person of interest nga mitigbas patay sa biktima, nahitabo niadtong adlawng lunes setyembre 24, 2018 didto sa may Purok 2, brgy. Bantayan, Kalawit, ZDN.
Ang biktima mao si Reynaldo Alaña, usa ka mag-uuma, residente ra sab sa nahisgutan nga barangay.
Sa gihimong pag imbitiga ni PO3 Jeymor De Gracia sakop sa PNP Kalawit, bandang 7:00PM sa maong adlaw ang biktima uga ang person of interest nga si Dionesio Mendriza nagkalalis kini sila nga misangpot sa pagpanigbas gamit ang sanggot nga 12 pulgada ang gitas-on.
Maayong pagka laplap sa liog sa biktima hinungdan sa iyang wala damhang kamatayon kamatayon, hinuon human sa maong panghitabo gilayong mitahan ang person of interest sa iyang kaugalingon ngadto kang Arnel Ablao ug giturn over dayon sa PNP Kalawit.
Karong adlawa pasakaan na ug kasong murder ug hayan magtingkagol sa balay bilangguan dala sa pagmahay tungod sa iyang nabuhat nga pagpanigbas.
