Dimataling, Zamboanga del Sur – Patay dihadiha ang duha ka biktima sa pagpangluba nga nahitabo didtung dapita sa Purok 4, Brgy Sumpot, Dimataling, Zamboanga del Sur, kagahapon bandang alas 9:55 sa buntag.
Gibutyag sa Dimataling PNP pinaagi ni Police Major Herminigildo Bajao Jr, nga ang mga biktima mao sila si Roneldo Timbongan Lantig, 40-anyos, minyo, mag-uuma nga may igo nilubaan sa likod nga bahin sa lawas nga nilapos sa dughan nga gikamatay niini.
Laing biktima, ang asawa mismo sa suspek nga si Meraluna Fuertes Manlacad, 36 anyos nga may nilubaan sa dughan ug paa nga gikamatay usab niini , pulos kining mga biktima mga resedente sa naasoy nga lugar.
Giluba kini sa suspek gamit ang sundang nga si Caster Fuertes nga gituguhuang may problema sa pangisip.
Gisikop sa mga kapulisan ang suspek apan may samad na kini kay giluba pag-unay iyang tiyan, human sa pagpatay sa duha ka biktima.
Gidala kini sa balay tambalanan apan ge-deklara nga dead on arrival sa iyang attending physician human nagrabihan sa nilubaan nga iyang naangkon.
