Kalawit, ZDN-Patay nang nahidangat sa balay tambalanan ang usa ka biktima human kini gidunggab didto sa purok 7, New Calamba, Kalawit, Zamboanga del norte sa miaging lunes bandang 9:50PM.
Ang biktima mao si Remejio Sultan Fernandez, 44 anyos, usa ka mag-uuma kinsa gitigbas ni Mario Dayaganon, 30, usa ka mekaniko pulos kini sila residente sa nahisgutan nga barangay.
Sa gihimong makuti nga imbistigasyon sa PNP kalawit, gidunggab kini si Remejio sa iyang dughan nga maoy mitsa sa iyang diha-diha nga kamatayon.
Sa dugang pag imbistiga sa PNP kalawit matod pa nga personal nga bangi ang hinungdan sa maong pagpangluba.
Samtang ang biktima padayon pa karong gipangita sa kapulisan human kini misibat sakay sa XRM motorcycle nagtangag sa plaka numero EO 6768 padulong sa lungsod sa Titay, Zamboanga Sibugay.
Samtang pipila nalang ka adlaw magsugod na ang kampanya sa lokal nga mga kandidato, hinungdan nga padayon ang paghimo ug mga checkpoint sa kapulisan aron masiguro ang ilang pagpatunhay sa kahapsay ug kalinaw dinhi a probinsya sa Zamboanga del norte, nanawagan sab ang kapulisan ngadto sa mga kandidato nga hingpit gayud gidili ang pagbaton ug mga goons.
Gi awhag sab ang mga katawhan nga kun adunay makitang mga armadong lalaki ilabi na nga iya sa mga kandidato gilayong itaho sa ilang buhatan aron dali kining maaksyonan.
