Sibuco,ZDN-Paslak na karon sa balay bilangguan si Ismun Bantala, usa ka mag-uuma human kini nasikop sa gihong manhunt operasyon sa kapulisan sa lungsod sa Sibuco.
Didto kini nasikop sa barangay Panganuran sakop sa mao nga lungsod human gisilbihan ug warrant of arrest.
Sa dihang gikapkapan sa mga pulis si Ismun nakuhaan kini sa ug droga, mga drug paraphernalia, calibre .45 ug mga nagkadaiyang buhing bala.
Atol usab sa maong pagdakop, gawas sa armas ug gituohang shabu, nakumpiska usab ang tunga sa kilo nga ammonium Nitrate, 2.5 metros nga detonating cord ug 14 kabuok nga blasting caps.
Kasong paglapas sa RA 9165 (comprehensive dangerous drug act of 2002 ug RA 10591 (illegal possession of FAs.) ang atubangon sa mao nga dinakpan.
*Samtang *sakit sa ulo karon ang gibati sa duha ka mga dinakpan tungod sa kadako sa pyansa nga gipangayo sa korte.
Sila si Romeo Lumalang ug Bimbo Cunican, parehas kini residente sa Brgy. Tinglan sakop sa lungsod sa Mutia, nadakpan kini human gisilbi ang warrant ngadto kanila pinaagi sa kapulisan sa Mutia sa pagpanguna sa hepe nga si PLt. Jose Roel Sanchez.
Si Romeo moabot sa 120mil nga pyansa ang gitagana kaniya samtang si Bimbo moabot sa 72mil alang usab sa iyang temporaryong kagawasan.
