Davao City – Gidala sa Davao Adventist Hospital ang biktima nga si Martin Daligdig 17 anyos nagpuyo sa Gulf View Davao City human tabangi og dunggab sa mga membro sa ‘Sukarap’ gang sa seawall Bongguyan Matina Aplaya Davao City alas dies baynte sa kagabhion.
Sa blotter sa Talomo PNP, ang biktima kauban ang iyang uyab nga si alyas Karen 17 anyos nagdate sa seawall ug kalit lamang giataki sa grupo sa sukarap gang nga gipanguluhan ni alyas John Mat.
Human maigo sa nagkadaiyang parte sa kalawasan ang biktima misibat ang mga suspek padung ngadto sa wala na matino nga direksyon nga maoy target karon sa manhunt operation sa Talomo PNP.
Padayon pang gi-obserbaran ni Dr. Castillo sa Adventist Hospital ang biktima.
Kasamang Erin Lumosbog
Facebook Comments
