Davao City – Tungod gisyagitan sa ma uyab ang usa ka pulis, mag atubang og kasong disobedience of person in authority ug alarm and scandal ang mga gireklamong sila alyas Lyn, 25 anyos, ug alyas Mark, 20 anyos, pulos residente sa Boulevard ning syudad.
Sa report sa San Pedro PNP,gireklamo ni PO1 Ita-oc ang duha human nga gisita kaganinang kadlawon sa may dalang Claveria tungod sa nagkagubot ang mga dinakpan ug mga kauban niini diin naabtan sa mga pulis samtang nag robing sila niadtong tungora.
Apan imbes nga muhilom, gisyagitan matud pa sa mag uyab ang nasangpit nga pulis ug nagpakita og di maayong pamatasan resulta nga gidala kini sa police station.
Giangkon matod pa sa mga gireklamo nga nakainom sila og nangayo ang lalaki og pasaylo kang PO1 Ita-oc apan buot sa pulis nga respetuhon sa mag uyab ang iyang trabaho sa pagbantay sa seguridad sa katawhan.
RadyoMaN Renz Barbarona
