Maga ladron de motor tiene nuevo victima

Maga ladron de motor ya hace ya tambien victima un mojer con quien sila ya ruba un scooter motorsiclo na Lunzuran del Webes denoche.
El victima quien un negocianta ya pidi para nomas ya nombra conele, ya aparese na estcaion del Divisoria Police Station hablando encamino ya le para bolbe banda alas 10 del noche cuando llegar na lubrigo parte del calsada, tiene dos persona quien muntao tambien na un motorsiclo ya hace lagas conele donde porsaomente ya saca su motor.
Asegun con el victima el ancas amo el ya planta conele pusil y porsaomente ya saca consu motor.
El maga suspechao ya entabla llevando el motor del victima.
El victima ya munta na habal-habal y ya apunta na estacion del pulis para reporta con el incidente.
Maga pulis ta conduci ya el investigacion y follow-up operation para elo possible aresto del maga suspechao.

Facebook Comments