Kapin sa 35 ka mga cruise ship ang natalana nga magabisita sa Isla sang Boracay subong nga tuig.
Ini ang ginpahayag ni Department of Tourism regional Director Helen Catalbas.
Magluwas sa Boracay, ginapabskog man sang DOT ang ila promotion sa siyudad kag probinsya sang Iloilo bangid kapable ang Iloilo Port sa pagbaton sang “cruise tourism”.
Suno kay Catalbas, gina-promote nila sa mga dumuloong ang Iloilo, Antique, Capiz kag Guimaras bilang “cruise destinations”.
Samtang nakahanda naman ang siyudad sang Iloilo sa pag-abot sang Japanese cruise ship nga MV Pacific Venus sa Enero 26, 2019 kadungan sang highlight sang Dinagyang Festival.
Ginabanta nga 400 ka mga Japanese nga mga pasahero sang cruise ship ang magasaksi sang Kasadyahan kag Dinagyang Festival.
