Pormal na nga magapungko sa katungdanan subong nga adlaw si Police Chief Supt. John Bulalacao bilang bag-o nga Regional Director sang Police Regional Office 6.
Ini kadungan sang pagahiwaton subong nga aga sang turn over of command sa Campo Delgado.
Pagatal-usan ni Bulalacao si Outgoing Regional Director Chief Supt. Cesar Hawthorne Binag nga nagpangalagad sa PRO-6 sang masobra isa ka tuig.
Magaserbe naman si Binag bilang Director sang Directorate for Information and Communication Technology Management (DICTM).
Ang turn-over of command sa PRO6 ang isa lamang sa madamo nga reshuffling nga ginpatuman sang Kampo Krame sa pagpamuno ni PNP Chief Police Director General Oscar Albayalde.
Mangin dinapit sa kahiwatan subong nga adlaw si Police Director Rolando Felix sang Director for Integrated Police Operations-Visayas.
