Tungod sa kalisod nga nasinati sa mga rebeldeng NPA sa kabukiran usa ka logistic officer nga sialays Mikoy ug NPA Amazona nga si alyas Janine, mag asawa kini silang duha ug didto mitahan sa 97th Infantry “Kalasaglahi” Battalion didto Barangay Poblacion, Leon B Postigo Zamboanga del Norte sa nakalabayng semana.
Kini nga mag asawa pareho kining tag-as nga opisyal sa Guerilla Front Feliciano Alpha (GF Flex “A”) sa Western Mindanao Regional Party Committee (WMRPC).
Matod pa ni mikoy ug Janine sa sinugdanan palang daan ila nang nasinati ang kalisod sama sa walay tarong sa kaon ug permamenteng kapoy ang ilang lawas.
Dugay na matod pa sila unta gustong mo surender apan kanunay silang gihadlok sa ilang kauban nga kung motahan sila paantuson sila sa mga sundalo apan ang tanan pulos diay bakak ug dili tinuod.
Gidugang usab sa asawa nga gusto na nilang manginabuhi nga malinawon uban ang ilang mga pamilya ug gusto na nilang makabaton ug anak.
Sa habig ni Lt. Col. Manaros M Boransing sa 97th IB dako iyang pasalamat sa pag tahan sa mga rebelde ug nanghinot siya nga aduna pa’y lain nga mosunod niini aron hingpit na nga ma tuldokan ang insurhensya sa probinsya sa Zamboanga del norte.|Mark Bacroya
