Davao City – Gidasig sa usa ka dental practitioner ang publiko nga magpaabot lang sa ngipon ngadto sa mga lisensiyado ug dili musugot nga staff lang ang muhimo niini.
Gidasig ni Dr. Ruben Bernardo ang katawhan nga dili magpataka og pa-ibot sa ngipon sa bisan kinsa na lamang kay walay laing gitugotan sa paghimo niini gawas lang sa tinuod nga dentista.
Puwede matud pa maghatud sa balatian ug peligro sa kinabuhi sa usa ka pasyente kung ang nag-perform sa pag-ibot sa ngipon kadtong mga peke ug dili matuod nga dentist or dental staff and personnel.
Bisan ang mga staff sa dentista wala tugoti nga magbanos sa trabaho sa usa ka dentist dala na sa ka-sensitibo sa mga kagamitan ug proseso sa pag-ibot og ngipon, dugang ni Bernardo.
Hinoon walay problema kung magkuha og ginsakpan ang usa ka dentist apan ang ilang trabaho taman lang sa pag-sterilize ug pagplastar sa mga kagamitaan sa pag-ibot og ngipon.
Si Bernardo naghatag og giya sa buot magpa-ibot og ngipon aron dili mabiktima sa mga peke ug aron dili mabutang sa alanganin ang kinabuhi.
Sa pagsulod pa lang sa clinic, ang una dayon tan-awon mao ang diploma sa kurso nga dentistry ug ang certification gikan sa professional regulatory commision nga nakapaskin sa mga bungbong.
Makapupo matud pa og silot ang bisan kinsang dentist nga makasupak sa ethical standards sa PRC ug sa dental association kung pasagdan ang ilang mga sakop sa pagpangibot og ngipon sa mga pasyente.
RadyoMaN Joel Viray
