Mambusao, Capiz – Pilason ang apat ka magbarkada matapos ang mga ini ang ginpanglabo sa banwa sang Mambusao alas 11:55 ang takna sa gab-i.
Ginkilala ang mga biktima kanday Zymel John Detoga y Licono, 19- anyos sang Malipayon Village, Tiza, Roxas City; Vince Villa Bacelonia, 18- anyos sang Dumolog, Roxas City; Dhan Hayne Rick Contreras y Gerafusco, 19-anyos sang Lawaan, Roxas City kag John Gabriel Amador y Almongera, 18- anyos sang Legaspi Ilawod, Roxas City.
Nagaguha sa imbestigasyon sang Mambusao PNP, nagpangayaw lamang ang amo nga mga persona sa diin nag-upod lamang ang mga ini sa ila barkada nga taga-Mambusao.
Ginapahayag nga naga-inom ang mga ini sa Andaya St. Poblacion Proper, Mambusao, Capiz sang nag-angkon sang indi paghangpanay sa tunga sang grupo nanday Stephen Francisco kag kaupdanan sini kabangdanan sang rambol.
Ginahibalo pa sang mga kapulisan kun sin-o ang identity sang suspek nga kaupod nanday Francisco nga nagpanglabo sa mga biktima.
