TACLOBAN CITY – Patay an duha nga magbugto matapos maigo hin kidlat ha Sitio Carugyao, Barangay Osmeña, Palapag, Northern Samar kakulop, May 30.
Subay ha report han Palapag PNP, ginkilala an magbugto nga hira Arnel Albario Laoreno Jr., 21 anyos ngan manghod hini nga hi Irene Albario Laoreno, 18 anyos pareho nga residente han barangay Laniwan han nasabi nga bungto.
Nagawas ha imbistigasyon han mga otoridad nga nagbabantay hin umahan an magbugto upod an tatay hini nga hi Arnel Sr., han abutan hira han makusog nga uran.
Masirong na unta an magbugto upod an amay in tigda nala nga kumidlat kun diin naigo an magbugto.
Ha pagka yana, shocked pa an amay hini nga panhitabo.
Facebook Comments
