Magbugto nga preso ha Samar, nakapuga

TACLOBAN CITY – Ginbibiling yana han mga otoridad an duha nga preso nga nakapuga alas 7:40 kasanggab-i, Marso 11 ha Calbiga Municipal Police Station.

Subay han report tikang ha Police Regional Office 8, ginkilala an mga nakapuga nga suspek nga hira Roel Mabahin, 22 anyos, may kaso nga carnapping; ngan hi Rodel Mabahin, 19 anyos, may kaso nga robbery, pareho nga residente ha Brgy. Minata, Calbiga, Samar.

Ha inisyal nga imbistigasyon, dayon nga ginpurot han mga suspek an usa nga motor para mapahirayo ha police station matapos nga makapuga.


Sumala han mga otoridad, armado an mga suspek. Padayon naman an hot pursuit operation han mga kapulisan.

Facebook Comments