Nagpa-andam ang Bureau of Immigration (BI) sa publiko angot sa nagadamo nga kaso sang sa “online love scams” nga nagatarget sa mga Pinay.
Suno kay Immigration Spokesperson Dana Krizia Sandoval – ang modus ginahimo sang mga foreign nationals sa diin ila nga ginapakig-abyan kag sa ulihi pangaluyagan ang Pinay.
Magluwas diri, nagapadala pa sang regalo ang foreign national sa pamilya sang biktima agud makuha ang pagsalig sini.
Sa ulihi, sa pagkadto sang foreign national sa Pilipinas, makabaton naman sang tawag ang biktima halin sa nagapakilala nga immigration officer agud magpadala sang kwarta.
“Immigration officers are not authorized to make the first contact to non-passengers during their tour of duty. It is even more illegal to demand money from anyone,” ang pahayag ni BI spokeswoman Dana Sandoval.
Suno kay Sandoval, oras nga mapadala na sang Pinay ang kwarta, indi na dayon macontact sang biktima ang foreign national.
Sa report nga nabaton sang Burea of Immigration, may isa ka babaye nga nabiktima kag nakuhaan ini sang P18,000.
Dugang pa diri, may isa man ka Pinay nga naghatag na sa scammer sang P40,000.
Panugyan sang Bureau of Immigration mangin vigilante kag i-report ang kaangay nga aktibidad ukon magtawag sa ila talatapan sa (02) 465-2400 — ukon magcontact sa immigration office sang airpot.
Photo from web
