Davao City – Napasaka na sa Philippine Drug Enforcement Agency (PDEA-XI) ngadto sa City Prosecutor’s Office ang kasong kalapasan sa RA 9165 kun Comprehensive Dangerous Drugs Act of 2002 batok sa maglive-in partner nga mao sila si Sherry Eve Tenebro, 34 anyos, ug Mile Dumape, 30 anyos, pareho nagpuyo sa Brgy. Basiawan sakop sa lungsod sa Sta. Maria, Davao Occidental.
Kahinumdoman human gilusad ang buy-bust operation kauban ang pwersa sa Sta. Maria PNP alas 7:30 sa gabii natigayon ang pag aresto sa mag live-in partner sa dihang wala ka bantay nga ang ilang gikatransak mga awtoridad na diay hinungdan sa ilang pagkasikop.
Narekober gikan sa dinakpan ang tulo ka gagmay nga sachet sa gitouhang shabu, mga drug paraphernalia lakip nakumpiska ang 500 pesos nga buy-bust money.
Balhog na sa detention cell sa PDEA-XI ang maglive-in partner human nga na-file na ang kaso sa diha korte.
RadyoMaN Don Pulayao
