Roxas City, Capiz- Arestado ang maglive-in-partner matapos nga nadakpan sa ginkasa nga drug buybust operation sang Regional Drug Enforcement Unit(RDEU) sa Block 1, Malipayon Village Barangay Tiza Roxas City.
Ang mga subject person ang ginkilala kanday Nestor Domulong, 32-anyos kag Lanie Sonico, 41-anyos ang pang-edaron kag lunsay mga residente sang nasambit nga barangay.
Natigayon nga marekober sa posesyon sang mga ini ang kabug-osan nga lima(5) tanan ka plastic sachets nga may unod sang ginapatihan shabu, P1,000 nga buy bust money, disposable lighter, aluminum foil lakip na ang pila ka mga drug paraphernalias.
Ang amu nga mga persona ang magapangatubang sang kaso nga pagbayolar sa R.A. 9165 ukon Comprehensive Dangerous Drugs Act of 2002.
Facebook Comments
