Siayan, Zamboanga del Norte – Napalgan nga nakaligo sa kaugalingong dugo ug wa nay kinabuhi ang maglive-in partner, sulod sa ilang balay didto sa Sitio Tumanong, barangay Diongan, lungsod sa Siayan ning lalawigan sa Zamboanga del norte.
Giila ni PSI Rey Quintano Tolosa Jr, OIC – Chief Police sa Siayan Municipal Police Station, ang mga biktima nga sila Loreto Eyo Lintason, 57 anyos, ug ang live-in partner nga si Lostina Kinawalan, 55 anyos polos mag-uuma, mulupyo sa nahisgutang lugar, samtang wala pa nailhi ang nihimo sa linoog nga krimen.
Si Tolosa, nibutyag sa interview sa rmn dxdr, posibleng tulis ang hinungdan sa pagpatay sa mga biktima human nangawala ang kwata ug mga importateng butang sulod sa balay.
Gidugang pa ni Tolosa, lagyo kinig silingan ang mga biktima ug sila nalang duha nagpuyo sa maong balay, diin ulahing nakitaan buhi sa mga silingan niadto pang gabii sa hulyo 18, ning tuiga, nga gikaingon ang babaye nagsaulog pa iyang adlaw nga natawhan.
Ang mga silingan maoy nakadeskobre sa mga patay’ng lawas sa dihang nangalisbo ang baho gikan sa balay, tulo na ka adlaw ang milabay.
Base sa post mortem examination ni Rio Anadeo-Rural Health Unit (RHU) representative, nasuta nga si Loreto nakahiagom sa duha ka samad dinonggaban sa may dughan, ug liog, samtang si Lostina nakaankon sa usa ka samad sa liog, ug samad nilaslasan sa may tangkugo.
Padayon pang giimbestigahan sa kapulisan ang maong krimen sa pagsuta ug pag-ila sa mga kriminal.
