Maglive-in partner nga naglubong sa 9 ka bulan nilang anak kilid sa ilang balay, detinado; kasong parricide, atubangon sa mag partner

213

Detinado na karon sa Maharlika Detention cell ang mag-live in partner nga naglubong sa ilang siyam ka bulan nilang anak kilid sa ilang balay.

 

Matud sa amahan nga si Bonifacio Enderes  nga hilanat gyud ang namatyan sa iyang anak.


 

Dugang pa ni Enderes nga kalit kaayo ang panghitabo kay nikalit lang og lagum ang bata.

 

Wala na usab nila gidala sa hospital ang bata tungod kay nanggahi na kini.

 

Dili usab sigurado si Enderes kung dengue ang gikamatyan sa iyang anak tungod kay wala usab kini ma-check up.

 

Samtang tungod sa kalibog og unsay angay nga buhaton, nagdesisyon si Enderes nga ilubong na lang ang iyang 9 months old nga anak kilid sa iyang balay.

 

Matud ni Enderes nga wala na sila nangayo og tabang sa ilang silingan o sa barangay tungod kay igo lamang sila niini nga kaminosan.

 

Giangkon ni Enderes nga siya mismo ang nagpanday sa kahon nga gibutagan sa iyang anak, apan gipanghimakak niini nga wala niya napatay ang bata ug hilanat lang ang gikamatyan niini.

 

Matud ni Enderes nga dili siya makaako sa pagpatay sa iyang anak, tungod kay bu-ang lang nga tawo ang makahimo niini.

Facebook Comments

From Advertisers