Numancia, Aklan – Habun-an rong magmanghod sa sangka birthday celebration kahapon matapos nga magtuhaw rong kumosyon sa Brgy. Navitas, Numancia, Aklan.
Ro mga bikitma nakilaea Ramir Yantan, 43-anyos ag Desiderio Yantan, 40-anyos samtang rong suspek nakilaea kay Wilman Magpusao, sa legal nga edad tanan residente it nasambit lugar.
Sa report nga nag-pamertdihan dayang mga biktima ag ko ulihi nakaangkon it mainitang diskusyon ag kumosyon kung sa siin gumabot it siyaw (batangas) ro suspek ag binuno si Desidero sa uyahon.
Nakita raya ko anang magueang nga si Ramir ag ginhana na nga buligan pero pinasueang sueangan man imaw it buno sa anang abaga.
Ro mga biktima hay insigida man nga gindaea sa hospital samtang rong suspek hay eagi man nga naaresto matapos nga magtimbre rong sangka kagawad nga may kumosyon sa lugar.
Sa makaron hay kulong rong suspek ag posible magapangatubang it nagakaigong kaso.
