Davao City – Wala ra kaayo nabati sa taga Island Garden City of Samal (IGaCoS) ang magnitude 4.2 nga linog nga miigo sa isla alas 7:14 sa gabii, Hulyo 5, 2023.
Kumento sa netizen nga si Iresh Bazar Ideal sa DXDC 621 RMN Davao Facebook page, nagpasalamat kini sa Ginoo sa proteksyon kanila gikan sa linog, diin matud sa Philippine Institute of Volcanology and Seismology (PHIVOLCS), walay laumang damyos ug aftershock ang pagtay-og nga nagbaton og 25 kilometros ang gilawmon.
“Wala ‘mi ka-feel diri sa Samal, but God is good! Keep safe everyone and God bless,” kumento sa netizen.
Nabati usab sa Davao City ang Intensity IV ug Intensity III sa Kidapawan City ug Cotabato City.
Samtang Instrumental Intensities: Intensity II sa Kidapawan City, Cotabato; Matanao, Davao del Sur; Intensity I sa Magsaysay, Davao del Sur; Don Marcelino, Davao Occidental; Alabel, ug Malungon sa Sarangani.
RadyoMaN Kirby Manzon
Facebook Comments
