Niyanig ng magnitude 4.8 na lindol ang Iloilo dakong alas-8:19 kagabi
Ayon kay PHIVOLCS Science Researcher Benz Rodriguez – naitala ang pagyanig pitong kilometro timog-kanluran sa bayan ng San Enrique na may lalim na 14 na kilometro.
Aniya, mababa ang episentro ng lindol kaya ramdam ito ng mga residente.
Naitala ang intensity 4 na pagyanig sa bayan ng Tapaz, Capiz; Passi City at Dingle, Iloilo.
Intensity 3 naman sa Iloilo City; La Carlota City, Negros Occidental, at Bacolod City.
Intensity 2 sa Roxas City, Capiz.
Wala naman inaasahang pinsala sa istrakutra at hindi rin inaasahan ang aftershocks.
Facebook Comments
