Davao City – Walay nadawat nga report ang Office of the Civil Defense Region-XI kabahin sa damyos nga gihatud sa Magnitude 6.0 nga linog nga miigo sa Tarragona, Davao Oriental alas 11:53 sa udto.
Sa interview sa DXDC RMN Davao kang Franz Irag, OCD-XI Operation Officer, wala silay nadawat nga report nga damyos gikan sa mga Local Government Unit ilabina sa Mati City ug kasikbit nga mga lugar gikan sa ilang mga counterpart kabahin sa maong trahedya.
Hinoon giklaro ni Irag, bisan ug wala magpagawas og Tsunami Alert ang PHILVOCS padayong gimandoan ang katawhan nga nagpuyo daplin sa kabaybayonan sa Tarragona nga mag-igmat ug magbantay sa kalihukan sa dagat. Matud pa ni Irag walay naobserbahang pag-irog sa tubig sa dagat human sa linog.
Una ninii gikomperma sa PHILVOCS , anaa sa 42 kilometros ang gilay-on sa Tarragona ug 27 kilometros ang giladmon ug usa ka tectonic ang origin sa linog human miigo sa dagat.
RadyoMaN Bernard Pantallon
