Magnobyo nakuhaan sang video nga nagapakighilawas sa bukid— suspek sa pagvideo, pagpangblackmail, arestado!

Arestado ang lalaki nga nagvideo kag nagpangblackmail sa magkahagugma nga nagapakighilawas sa bukid sang Jawili sa Tangalan, Aklan.

Ang suspek ginkilala kay Jason sang Bugtong-Bato, Ibajay, Aklan.

Sa pahayag sang magkahagugma, nagapakighilawas sila sang ila nabatyagan kag nadiskubrehan nga may nagavideo sa ila gani dali-dali nila nga ginbatak ang ila mga panapton kag ginlagas ang suspek.


Nag-offer pa sila snag kwarta kabaylo sa pag-delete sa video apang nagpamalibad ang suspek.

Ginpahayag sang suspek nga i-delete lamang nila ang video kon makighilawas ang babaye sa iya. Didto kag ginhatag nila ang ila cellphone number sa lalaki.

Didto na nagsugod ang komunikasyon sang magkahagugma sa suspek paagi sa tawag kag text apang nagapakatig-a gid ang suspek nga i-delete ang video tubtob indi sila magpasuot sa luyag sini nga matabo.

Diri na kag napilitan ang magkahugugma nga magpanugid sa pulis kag ginhiwat ang entrapment operation batok sa suspek.

Tuman ang kalipay snag suspek snag nahibaluan nga nagpasugot na ang babaye nga makighilawas sa iya apang likom sa iya ihibalo, may mga pulis na nga upod ang magkahagugma.

Ginpatigayon ang entrapment operation sa isa ka lodging house sa Tangalan sa diin pagsulod sang kapulisan, naga-uba na ang suspek.

Ginkasuhan na ang suspek kag preso na karun sa Aklan Rehabilitation Center. /// Photo from web — ctto

Facebook Comments