“No firecracker zone” ang tibook Mandaue sud ning buwana.
Labaw pa sa gimando ni Presidente Rodrigo Duterte bahin sa paggamit ug firecracker atol sa pagsugat sa pasko ug bag-ong tuig ang gusting mahitabo ni Mayor Luigi Quisumbing sa tibook dakbayan sa Mandaue .
Kung si Duterte nimando nga magbutang ug designated nga firecracker area sa mga barangay diin adto lang himoon ang pagpabuto , si Quisumbing sa iyang bahin nidiklarar nga “no firecracker zone” ang tibook dakbayan sa Mandaue.
Nagpasabot kini nga gidili tibook syudad ang pagpamaligya ug magpabuto sa bisan asa sa 27 ka barangay sa Mandaue ug ang di magpatoo dakpon ug pamultahon.
Tuyo ni Quisumbing nga luwas ang kasaulogan sa pasko ug bag-ong tuig , layo sa disgrasya sama sa mabuthan o kaha sunog nga mugna sa mga manglupad nga pabuto.
Mahimo hinoong gamiton ang mga sparkers sama sa luces , fountain ug ubang pyrotechnic devices kay wa kini labot sa i-ban sa syudad .
