Davao City – Mag-atubang og kasong Falsification of Public Documents ang mga individual nga magpahimo’g peke nga vaccination card, sumala ni Police Major Jack Tilcag Station Commander San Pedro Police Station human nahinabi sa DXDC RMN Davao.
Segun ni Tilcag, adunay tulubagon ang usa ka individual kung madakpan nga nagkupot kini og fake vaccination card tungod kay nasayud siya nga peke ang iyang gipahimo panahon nga ilang i-presinta ug posebling makasohan.
Kahinumduman niadtong milabay’ng semana, usa ka runner ang nasikop sa gikasang entrapment operation sa mga operatiba San Pedro Police Station sa usa ka establisemento sa dalang Bolton nga nagabaligya og peke nga vaccination card nga mao si Aleson Sultan, 24 anyos, taga Parang Maguindanao diin ang suspek gikasohan na sa mga awtoridad.
RadyoMaN Don Pulayao
