Magpamilya nga sakay han SUV ginpamumusil ha Jaro, Leyte

TACLOBAN CITY – Lima an samaran matapos pauranan hin bala an ginsasakyan nga SUV han magpamilya ha Jaro, Leyte kasangkulop, July 21.

Natabo an pagpamumusil ha Barangay Hibucawan ha bungto han Jaro.

Sakay han SUV an pito nga magpamilya upod na dinhi an duha nga minor de edad ngan duha nga senior citizens.


Subay ha report han mga otoridad ha Jaro, usa nga sarakyan an dumungan ha SUV ngan nagpa uran hin bala.

Naigo han bala han pusil an driver han SUV rason para mahulog an ira sarakyan ha ligid han kalsada.

Samaran an iba pa nga sakay han SUV ngan gindara ha hospital ha Tacloban City.

Himala naman nga waray kaigo han bala an duha nga bata.

Padayon pa an imbistigasyon ha insidente ngan hot pursuit operation ha mga suspek.

Facebook Comments