Cauayan City, Isabela- Arestado ang 3 katao na itinuturing na Top Most Wanted Person sa magkakahiwalay na operasyon ng mga awtoridad sa Probinsya ng Cagayan at Isabela.
Kinilala ang mga akusado na sina Ronald Anglion, 30-anyos, Top 1 Provincial Level, walang asawa, isnag magsasaka at residente ng Brgy. San Julian, Abulug, Cagayan.
Dinakip si Anglion matapos magpalabas ng warrant of arrest ang hukuman para sa 2 counts ng kasong Panggagahasa.
Maliban kay Anglion, inaresto din si Juan Aggarao, nasa tamang edad, Top 4 Provincial level para sa kasong Pagpatay at residente ng Brgy. San Roque, Enrile, Cagayan.
Sa Isabela, naaresto din si Nathaniel Purugganan, 45-anyos, Top 5 Municipal Level, isang magsasaka at residente ng Brgy. Muñoz sa Bayan ng Roxas.
Dinakip ito ng pulisya sa bisa ng warrant of arrest sa kasong Theft o Pagnanakaw.
Pinuri naman ni Regional Director PBGen. Angelito Casimiro ng Police Regional Office No. 2 ang hanay ng kapulisan sa patuloy na pagdakip sa mga lumabag sa batas.
