*Cauayan City, Isabela- *Patay ang isang magsasaka matapos na pagbabarilin ng hindi pa nakikilalang suspek pasado ala una kaninang madaling araw sa Sitio Gutgutao Brgy. Villabuena, Sta. Maria, Isabela.
Kinilala ang biktima na si Michael Julian, 28 anyos, walang asawa, at residente rin ng nasabing lugar.
Sa nakuhang impormasyon ng 98.5 mula sa Isabela Police Provincial Office (IPPO), lumabas sa imbestigasyon ng PNP Sta Maria na habang natutulog sa loob ng kanyang bahay ang biktima ay pumasok ang suspek at bigla na lamang binaril ang ulo ng biktima gamit ang isang Caliber 45 na baril.
Agad na binawian ng buhay ang biktima habang tumakas naman ang suspek matapos ang krimen.
Sa ngayon ay patuloy ang isinasagawang imbestigasyon at hot pursuit operation ng PNP Sta Maria para sa pagkakahuli ng mga posibleng suspek.
